وصف

البلاد تمر بوقت صعيب .. أهل حاجة فيها التخريب .. الأصلاح شي صعيب ... الدور الهام توا للعاقلين .. أي هذوكم الثوريين ... إلي باش يكونو للقضية حاملين ... و للأستقطاب الأديولوجي رافضين .... و للزوالي مؤازرين ... و للمظلوم منتصرين ... و للفقراء خير معاونين ... و لجرحى الثورة مساعدين .. و لشهدائها و أهدافها منتفضين ..

ياجماعة سيب عليكم مالتحزب و خليكم للوطن موالين

تعاسة

الوضع في هالبلاد شبه تعيس، لا يرضاه إلاّ الخسيس، بل أنّه لا 

 يرضي العلماني ولا الخوانجي ولا حتى البوليس، ذلك أنّ غياب   

 الحوار يجلب للجميع العار، فتنظر إلينا الأمم بإحتقار، وتحدث القطيعة 

  بين ذاك و هذا التيّار، ويعتكف أوّلهما في الجامع والثاني في البار، 

في حين  أن الجميع هاززهم نفس التيّار، متاع نفس الواد الهرهار، 

 و تكون لنا مزبلة التاريخ في الإنتظار، بمشيئة الواحد القهّار.

   

هاو قٌالو عملنا ثورة ؟

قالو ثورة قامت على الكرامة ، على الخبز، على الحريّات ، على حقوق الإنسان، على الديمقراطية، و قالو زادة اللي هي قامت ضد الإمبريالية، و من أجل تعريب التعليم و تطبيق الشريعة السّمحة خلاص..

لكن نساو ، أو تناساو عامل واضح في الحقيقة، خرجت على خاطرو برشة عباد للشارع تعيّط و تستنشق في اللاكريموجان ، و بنّكت على خاطرو جموع على الميّة في ساحة القصبة تطالب بمجلس تأسيسي مش دارية حتى معناه..

العامل هذا هو الكورة و عقلية الفيراج .. و اللي ظهرت هي المحرّك الأول و الأخير للسياسة التونسية..

 اللي صار في الثورة يشبه ياسر لحاجة ديمة تصير في الرياضة التونسية: لفترة محدودة، دامت شهر تقريباً، تلمّو التوانسة ورا هدف واحد و حسّو بالوطنية 11 مليون تونسي قلباً و قالباً، بالضبط كيف ما يصير في الكوب دافريك وقتلّي ليكيب ناسيونال تبدى تلعب و تختفي العصبيات بين مكشخة و كليبستية و إتواليست..

فترة وطنية عرضية، توصل لذروتها كي يفصع الزعبوع ولا كي نهزو الكوب دافريك..

تليها فترة يحس فيها التونسي بالفخر و الاعتزاز بإنو تونسي و كأنّي حاجة استثنائية.. ويبدا يبوستي على الفيسبوك في حاجات كيما "^^ (; Fier d'être tunisien" و يحط العلم على البروفيل.. ويبدا يبوس و يعنّق في العباد في الكياس..

الفترة هذي عادةً ما تدومش برشة ، جمعة كان خلات، و بعدها تطير النفحة و يرجع التونسي ينسى المنتخب الوطني و يتلهى في جمعيتو ..

توا الحاجة الوحيدة اللي تبدلت، هي إنو جماهير الفيراج ولات تسمي في روحها "

و بعد ما كان الصفاقسي يسب في الإيتواليست، صبح النهضاوي يسب في البدبيست..

و مللي كان ولد باب سويقة يعاير في ولد باب الجديد، ولا ولد المؤتمر يعاير في ولد التجديد..

  ، و إنو بعد الانتماء للجمعية طلعلنا الانتماء للأحزاب..

و بعد ما كان الصفاقسي يسب في الإيتواليست، صبح النهضاوي يسب في البدبيست..

و مللي كان ولد باب سويقة يعاير في ولد باب الجديد، ولا ولد المؤتمر يعاير في ولد التجديد..

  

الطحين و قلة الدين

كلامي مش بش يعجب برشة ناس ، و مش بش يعجبك انت ، يا اللي تقرى و تستنى بش تلقى حكاية في مخك مأكدة عندي. أما ، بكل صراحة و من طميم أعماق قلبي : يدكم .
السياسة في تونس واضحة ، من أيام المجاهد الأكبر (أكبر من شكون؟؟)، تتلخص في حكاية صغيرة


1 )  طحان قاعد على كرسي عندو برشة كلاب ، طحيحينات صغار ، يعضو أي واحد يقرب ، و بحذاه منيك ولا زوز ولا أكثر ، يقلو "والله كي تجي تشوف ، زيد أعطيني ناكل توة نقلك ، ولا تعرف كيفاش ، بكل وطنية أسمع كلامي" ... و بالطبيعة كلام المن... ما تكون كان حاجة معفطة. زيدهم حارتين مخززين ، واحلين في بصة ، الواحد فيهم توريه صبعك يطيح ميت. و هاذوما أفشل م المنيك.. ، مقتنعين اللي هوما أكبر فتقة صارت في علوم السياسة و المهفولوجيا ، لتوة مش فاهمين اللي عزرائيل خلاهم عايشين ، خاطر ماكلو الكبي و يحب يضحك شوية.
2) زيد عليهم الجماعة اللي يكرزو م الجيلات و م القراية ، اللي يصلي لربي و اللي يصلي لستالين، و كمشة زومبي ، تلامذة يتبعو ع العميتي أقوال المعلم الأكبر ، يحلفو اللي التخمام يا كافر يا تحريفي ، و اللي ما فماش حرية كان بالمسؤولية اللي فاهمينها كان هوما. كمل كعبات جران بالكوستوم و الكرافات ، ما حافظين م البلاد كان المصطبة متع المحاضرات.
3) و في وسطهم ، ملوحين هوني و غادي ، بزايد عباد قلوبها نظاف ، يفوتو ال 10 ملاين ، م البهيم للفتقة متع الذكاء ، ما يلمهم كان القلب الصافي ، و ما يفرقهم كان القلب الصافي. باسم البلاد ، و مصلحة البلاد يغلطو في بعضهم الصباح ، أما يقسمو الكابوسين لعشية و يطرشقو كعبات البيرة مع بعضهم و لا يصليو جماعة. هاذوما اللي لازم يكون بيدهم الحل و الربط متع البلاد ... كيفاش؟؟؟؟؟




ما نعرفش ، اسألو رواحكم

كلام جدود

يا سادة و يا مادة إلي عندو نبي يصلي عليه كيما قالو الجدود :

يحكيوا على بلاد عرعور .. مغير دستور . الحال فيها مهدود و الدخل 

محدود ..بلاد التنوع و الأختلاف موجود ..لكن الأحترام مفقود .. بلاد 

حبها إدمان .. و 

دائها النسيان .. و نخرها الطغيان ..و تبعثرت فيها كرامة الأنسان ..و 

جريح الثورة يهان ..و القناص شايخ بالأمن و الأمان .. و حالو حال 

مرجان ... و الشلة 

إلي آمنت بالبيان ( بيان السابع من نوفمبر) و التجمعي الجبان .. 

هاو رجع للميدان ..

مسرات تكاد تكون أسبوعية ... و تدعي المليونية .. و تريد فرض 

الأقلية على الأغلبية .. واحد قال برلمانية ..و 

لأخر يدعو للرئاسية .. و فيهم إلي قال 

الديموقراطية علة و خروج عالملة ..و هو ميعرفش أنو دخل و خرج 

في الحلة .. و فيهم إلي مشى لبعيد و قال يزينابلا تبلعيط .. فنحن 

ملوك التشعبيط .. 

فهي لا مدنية و لا ديموقراطية .. أنا شامم ريحة الماسونية .. و 

يلزمنا ندافعوا عالشرعية ...

توا يقول القايل هذا الكل عادي في أول سنة مالديموقراطية .. 

لكــــن وجب التنوية أنه فما أولوية .. و هي تحقيق أهداف الثورة 

المنسية ..من أجل

تلك اللحظة التاريخية .. و نحافظوا عالثورة إلي قالو عليها شبابية ..

و السلام عليكم و السلام عليا .

تلخيص

حدّثني إبن سحنون، عن بلد تحفون، يسمّى تونس الحنون، بلد الدين و المجون، بلد الإلتزام و الفنون، فيه نصف الشعب للقباضة و البنوك مرهون، و النصف الباقي عمره مغبون، مرّت عليه السنون، يحكمه الزين الم***ن، بالحديد و النّار كأنه أتون، من يعارضه يوصف بالمجنون، و يصبح في الحال مسجون، يذوق من كل عذاب لون، لكنه ذات يوم مجيد، إستفاق البازيد، و تبعهم الفراشيش و المحاميد، و غلت كل البلاد من جديد، و رغم القمع الشديد، و الضرب بالنار و الحديد، كان الشعب جدّ عنيد، صانعا ملحمة يهابها كل صنديد، أو كل ذي قلب شديد، فهرب المخلوع إلى بلد بعيد، قيل إنه بلد المساعيد، غير أنه في الواقع بلاد الجوراي و العبيد، فتنفّس الكل هواء الحرية الجديد، و إمتلأ الكون بكل صوت و كل تغريد، و عبّر عن رأيه كل من يريد.
و إنتهت الثورة 

ثورة مضادة

‎14 جانفى 2011




التوانسة الكل فى ديارها ....شارع الحبيب بورقيبة متلقى فيه كان 


المتنقبات و المتجبات و الاخوة يصيحون ...ديغاج دييغاج ......مناطقنا 


الداخلية لم تصلها بعد شرارة الثورة التى انطلقت فى ذلك اليوم من 


جامع الزيتونة بعد ان حرق شاب نفسه من اجل تطبيق الشريعة 


.....سبحان الله المسيرة كانت حاشدى و كالعادة تسلق الاخوة 


المنقالة و رائحة العطر كانت تملئ الشارع ....بعد مصادمات عنيفة 


تبادل فيها الحاكم و السلفين القبل روحو لديارهم ....وقتها الشعب 


الكل تفاجئنا ببن علي و خطابه الاخير ووحدو وحدو قال ساعتزل 


السياسة و اسافر للسعودية ......





ليلتها خرج عامة الشعب و سكان المناطق الداخلية و احرقو البلاد 


من اجل بقاء بن على ...اما الزين كبش و قطع ..... برى يا زمان ايجا 




يا زمان علناش انتخابات ربحها اليسار التونسي الى تحالف مع ب د 




بو القطب الحداثى و تم تعيين حمى الهمامى رئيسا للحكومة و 




احمد نجيب الشابى رئيس دولة الى قرر يلبس فى القصر كلصون 


 مثلث  هههههه لابراز الهوية التونسي .....



وقتها حمى الهمامى يتلقى اشارات ربانية يسارية اشتراكية 




ستجعل من تونس روسيا الثانية و كما قال هوا انشاء الله 




..................و كانت اقلية الشعب وخاصة حزب النهضة و التحرير 


تتعرض لانتهاكات و وقع جز جميع مناضليها و جميع السلفيين 


بالسجون التونسية .....و الى هاذ اليوم لم نسمع عن وقوع 


تجاوزات نحن نعيش كاخوة لا تفرقة بيننا ......ننعم بالديمقراطية 


....عائلة الشهيد خذات كل حقوقها ......كل اهداف الثورة تحققت 


.....الحمد لله ياربى الاقتصاد و السياحة امورهم ماشيا .... و كيما 




قال السبسي زعيم السلفية الجهادية فى تونس تلقاو بطال 




جيبوهولى هههههههههههههههههههههههههههههه






ههههههههههههه