الوضع ما يعجبش

دخلت  للفيس  بوك بهمت  ما فهمتش شي   شبيها هالبلاد حالتها  تبكي  آش باش  نحيلكم   و منين باش نبدالكم بالفيضانات في بوسالم ؟  و إلا عافروخ متاع السلفية  إلي لابسين  قميص و عاملين لحية  في جندوبة  و قاعدين يمثلوا في فيلم يحكي عالجهاد   و داخليين في حيط هما و الحاكم ؟على غلاء  الخضرة   يا بو ٌلب القرع ب3000 ؟   على المساكن  في الشمال الغربي  قتلهم البرد و الجوع    و الفقر و البطالة و التهميش  ؟ على البهايم إلي مستواهم كيف مستوى الزبلة    و إلى لوحوا الزبلة قدام  الأتحاد ؟    و وصلت بيهم قلة الحياء   أنهم يلوحوا زبلتهم قدام  بطحاء  محمد علي   رمز النضال ؟     باهي تحبوش نحكيلكم عالبطال    و الفقري و  الجيعان     و المحقور إلي مزال مقهور  ؟  على تونس إلي لو كان  تتكلم راهي تعيط بأعلى صوت على أولادها كيف تفرقوا كيما أولاد الحجلة ؟   ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دوع اليتامى من يكفلها

عجبت لثورة    تسمى ثورة الكرامة  و مازلنا نرى هذه الحالات في بلادنا

أوفياء أوفياء

قريبًا على شاشاتكم: تتابعون الشهداء وهم ينهضون من موتهم لمواصلة الثورة. يحدّقون في وجوهنا ويصرخون: من قال لكم أنّنا مِتنا من أحل الشغل والحرّية والكرامة الوطنيّة؟! من أوهمكم أنّنا استشهدنا من أجل العدالة الإجتماعيّة؟!
ثمّ ستشاهدونهم نازلين للشوارع هاتفين من جديد: “الشريعة استحقاق يا عصابة الفسّاق!” “خبز وماء والحرّية لا!”، “الشعب يريد المزيد من الديون!”
ستلمحون الحيرة في عيونهم وهم يتساءلون: أين نصيبنا من التمويلات الأجنبيّة للمجتمع المدنيّ؟ أين مقاعدنا في المجلس الموازي؟ لماذا لم تُقَرّ بعد مساواة الإرث بالدستور؟! ماذا ينتظرون لغلق المواقع الاباحيّة؟! لماذا لم يُجلد بعد جماعة الصفر فاصل؟! لماذا استشهدنا اذن؟!
يحاول أحد جرحى الثورة من الكرم ان يشرح لأحد شهداء تالة أنّه مازال ينتظر علاجا شافيا بعد أكثر من عام… فيسكته الثاني ويضع يده على فمه قائلاً: “عرّف بنفسك أوّلاً. من أنت؟ مسلم ورِع أم علماني كافر؟!” يتلعثم الجريح، يفكّر برهة ثمّ يجيب: أنا.. أنا.. ثائر

نقشات

خاطبني مُحَدّثي قال: في بعيد المكان و الزمان، في بلد الدستور و عهد الأمان، بلاد بنزرت و بن ڨردان، عاش شعب قيل أنه جبان، و أمام بطش حاكمه رهدان، يتبول في سرواله عند رؤية الأعوان، فالملك في الترهيب فنان، أذاقهم العذاب ألوان، لكنّ صاحب النظر السديد، و الأمن العتيد، الضارب بالنار و الحديد، زلّ ذات يوم في سيدي بوزيد، فأنتفض الأهالي الصناديد، فأذاقهم من المرّ المزيد، لكن الشعب كان عنيدا، و ملّ من عهد كان يسمى جديدا، فبقي شهرا مرابطا شجاعا شديدا، حتى جاء يوم سيصبح مجيدا، هرب فيه الديكتاتور بعيدا، تاركا البلاد تعيش مخاضا عسيرا

 

فقاطعت محدثي قائلا: "و هل إصطلح حال السياسة بعد ذلك؟ أم لازلت في سيرك تخالك؟" فأبتسم و أجاب "صبرك 

يا أخا العرب، فستسمع مني كل العجب، إذا رجع إلى البلاد كل مغترب، و تكلّم كل من خاف و هرب، و أما العامل 

قد أضرب، و البطّال و التلميذ قد أقصب (فعل جديد مشتق من القصبة للضرورة الشعرية)، و البورجوازيي قد 

أقبب، و كل من أراد قد تحزّب، و أنقسمت البلاد إلى أربعة جمعيات، أما الأولى فكانت الإسلامية، تدعو في 

ظاهرها إلى إقامة الشعائر الدينية، و تتنزه عن الأهداف السياسوية، و تتباكى على السنوات القمعية، و أما محركها 

فهو السلفية، و أقصاها الحركات الإرهابية، أما الثانية فهي الشيوعية، وقيل أيضا الماركسية، و الماوية و اللينينية  و 

التروتسكية، و القومية العربية، منها البعثية و الناصرية و الصدّامية، و هي بالأساس غوغائية، تنادي بالعدالة 

الإجتماعية، و تؤمن بالصراعات الطبقية، بعد عشرات السنين من فشل النظرية، و هي كسابقتها شعبوية، لا ترى 

الداء إلإ في الرأسمالية، ولا تنقد تجاربها الشخصية، و تدّعي التقدمية، ولكنها في الأصل تقهقرية. أما الثالثة فهي 

تجمعية، و إن إدعت الوسطية، أو حتى الوطنية، فهي تكتّلات بالأصل دستورية، فرغم سنواتها التلحيسية، و قدراتها 

التطبلية، و قربها من الديكتاتورية، تقلب معطفها بكل أريحية، و وقاحة خيالية، و تقدّم وجوها تدعي النظافة 

السياسية، و هي ذات مواقف حِرباوية، تتلون مع الأغلبية، فهي لا إسلامية لا علمانية، و لا شيوعية ولا رأس مالية، 

لا مطلب لها إلا المقاعد البرلمانية، و لما لا حتى الرئاسية". فقلت مبتهجا : "يبدو أن الرابعة هي الأفضل إذن"، 

سالت دمعة حزينة على وجنتيه و أجاب : " إن الرابعة هي الأتعسُ حاليا، فهي جمعية التنبيرية، المرابطة 

الفايسبوكية، صاحبة الفيديوات الغبية، و المقالات السطحية، و التفاهات الكونية، و النضالات الفتوشوبية، و 

الإشاعات الإفتراضية، و المحاكم الشعبية، و الإتهامات الجزافية، و الإنتقادات الإعتباطية، يذكي 

نارها فروخ المدارس الإعدادية، و تساعدهم أحيانا فيراجات المكشخة و الإفريقي و السواحلية، و تساعد على نشر 

النعرات الجهوية، و الفروقات الجنسية، و المشاكل المذهبية، و تنظم للمسيرات الإفتراضية، و الإعتصامات 

ال"ملحائطية"، و تغيب الروح النقدية، و تشجييع السطحية، و البهامة التسطيكية ".. فقاطعته ثانية قائلا " كفانا لقد 

أصابني الإحباط بطريقة كلية، فمالك لم تتحدث عن الطريقة الجلالية  البريكية ؟" فقهقه حتى بانت نواذجه  و قال 

"ليحفظ لنا الله 

جلال بريك  من كل شرّ، فهو مضحكنا و كوميدي تونس 

الجبان

مقاومٌ لم يرفعِ السِّلاحَ  و لمْ يرسل إلى جولانهِ دبابةً أو طائرةْ...لم يطلقِ النّار على العدوِ..لكنْ حينما تكلَّمَ الشّعبُ....صحا من نومهِ....و صاحَ في رجالهِ......مؤامرة !.مؤامرة !.و أعلنَ الحربَ على الشَّعبِ....و كانَ ردُّهُ على الكلامِ..مَجزرةْ...مقاومٌ يفهمُ في الطبِّ كما يفهمُ في السّياسةْ...استقال مِن عيادةِ العيونِ...كي يعملَ في ” عيادةِ الرئاسة ”...فشرَّحَ الشّعبَ..و باعَ لحمهُ وعظمهُ....و قدَّمَ اعتذارهُ لشعبهِ ببالغِ الكياسةْ...عذراً لكمْ..يا أيَّها الشَّعبُ...الذي جعلتُ من عظامهِ مداسا....

عذراً لكم.يا أيَّها الشَّعبُ...الذي سرقتهُ في نوبةِ الحراسةْ....عذراً لكم..يا أيَّها الشَّعبُ الذي طعنتهُ في ظهرهِ...في نوبةِ الحراسةْ....

عذراً..فإنْ كنتُ أنا ” الدكتورَ ” في الدِّراسةْ....فإنني القصَّابُ و السَّفاحُ.....و القاتلُ بالوراثةْ !....

دكتورنا ” الفهمانْ ”.يستعملُ السّاطورَ في جراحةِ اللسانْ...مَنْ قالَ : ” لا ” مِنْ شعبهِ....

في غفلةٍ عنْ أعينِ الزَّمانْ..يرحمهُ الرحمنْ...بلادهُ سجنٌ..و كلُّ شعبهِ إما سجينٌ عندهُ...أو أنَّهُ سجَّانْ

لا تبكِ يا سوريّةْ...لا تعلني الحدادَ..فوقَ جسدِ الضحيَّة...لا تلثمي الجرحَ...ولا تنتزعي الشّظيّةْ....القطرةُ الأولى مِنَ الدَّمِ الذي نزفتهِ ستحسمُ القضيّةْ قفي على رجليكِ يا ميسونَ..

يا بنتَ بني أميّةْ...قفي في وجهِ كلِّ طلقةٍ و كلِّ بندقية...و أعلني الصرَّخةَ في وجوههمْ

حريّة

و أعلني الصَّرخةَ في وجوههمْ حريـــــــــــــــــــــــــــة

الفيس بوك

قال الراوي
 أنو في زمان موش قديم برشا بالضبط قبل ما يجي الفايس بوك
كانو ناس في بلاد معروفة برا قول بالخضراء وإلا الفرح الدائم وإلا بتخديم المخ وإلا بالكفتاجي أو ربع دجاج لمن استطاع إليه سبيلا المهم الناس في البلاد هاذي مغرومين بكل شيء جديد أو قديم غسلوه وشللوه ورجعوه جديد
أيا قول القديم والجديد عايشين مع بعض صحيح أنهم موش طايقين بعضهم لكنهم كانو يحكيو وساعات يتعاركو وساعات يسكتو وساعات كل واحد ينبر على الآخر لكن كان كل اللي يصير يوقع وهما في وجوه بعضهم وهكا ما كان يتكلم منهم كان اللي عندو ما يقول في روحو باش الآخر ما يهنتلوش .....
حتى جاء نهار وظهر الفايس بوك
اقترح الفايس بوك حاجة اسمها الصداقة الافتراضية تنجم تقول لعبة فيها نحب ونتقاسم ونعلق ونعمل مجموعة.. بالمختصر ايجا نتلمو ونحكيو مع بعضنا يعني نتفاعلو (موش بالمعنى اللي فكرت فيه حضرتك...  ما أخيب نيتك)
أيا سيدي ويا للا برشا ناس حبو الفكرة وبداو يجمعو في (الأصدقاء) وبدا العد 1-2-3-........ برشا.. وصار سوق ودلاّل اللي باسمو الحقيقي واللي عامل بسودو واللي جاي من برا واللي عايش في البلاد وبدا الجو هات يا أغاني ويا فيديوهات ويا حكم ويا صباح الخير وأنا مشيت عملت صحفة لبلابي وأنا داخل للتوالات يعني ما خلاو ما كتبو وزادو تصاور يعني كل شيء صار بالمكشوف (موش متاع حنبعل) وهكا  بعد مديدة قصيرة فهمو برشا عباد أنو الفايس بوك فضاء متاع استقطاب متاع استقواء متاع برنامج انتخابي متاع مشرع شهرة متاع نكرّهك في حياتك متاع نمحيك من الوجود متاع نفضحك متاع نحيلك الجنسية متاع نحيلك والديك متاع نفضحك نمرمدك نغسلك نشللك يا مايع يا ماسوني يا خوانجي يا بنفسجي يا فاسد يا كافر يا متخلف يا رجعي وبدات أفعال كيما نحجبك ونفشفشك ونصرفقك ووقتاها بداو برشا ناس يتفاعلو (لكن المرة هاذي بالمعنى الخايب للكلمة)  وصار الفايس بوك إمّا لوح في لوح كيما تونس7 كل شيء يتعاود كيما الأخبار المحلية أو القضية الفلسطينية وإلا نحي شوشتك من ايدي ضرب ومضروب.

وطا ..... نيتي

   عندي مدّة  مخي واقف... راني رايح فيها وصلت نحشم من عقد الجهل متاعي... يا أصدقائي يا اخواني يا جيراني يا أنس يا جن  النجدة النجدة إليّ أنقذوني معادش فاهم. ندخل لفيس بوك نلقى ناس استولات على الوطنية فصلتها على قياسها وخيطتها ولبستها وقالت متاعي..الوطنية متاعي وظالم روحو اللي مقاسو موش كيفنا وهذا في السياسة بالطبيعة... جيت للاقتصاد كل واحد يقلك المنتوج الوطني ويلزم تشجعو شركاتنا ومصانعنا على خاطرها صناعة وطنية ونفس لعباد هاذم يعملو رحلة الشتاء والصيف للخارج باش يشريو ما لازمهم من برا... تو حتى في الرياضة الناس الكل تتعارك وتسب ومخص كان الضرب والبونية تخيط لو كانو في وجوه بعض تسأل علاش كل واحد يقلك لاخر موش وطني... تو بربي نحب نفهم اللي عندو وقت يفهمني ومستعد ندفع ساعات زايدة متاع تدارك إذا البرنامج صعيب للدرجة هذي شنية حكاية هالوطنية اللي الناس الكل تتعارك عليها؟ وإذا موش ممكن التفسير قولولي يخي الوطنية يلزمها تكون عند ناس معينين وإلا ممكن تكون لكل من يحب هالبلاد؟ وإذا كانت لناس مخصوصين شنية الوثائق المطلوبة وإلا كراس الشروط وإلا الدمار الأحرف باش واحد يتسمى وطني في هالبلاد؟؟؟؟؟ 

حزني

أنا غير مسؤول عن كلماتي فأنا مواطن أي  حثالة في نظر الأسياد ومن ثمة فلست أهلا للثقة أو المنزلة العليّة ليؤخذ بما أقول في الأوساط السياسية، بمعنى آخر أنا قاصر بعد أن صار عندي من يتكلم باسمي في المجلس التأسيسي، وإن تكلمت فقرار الاتهام جاهز.. حداثيّ، ماسونيّ، يساريّ، سلفيّ، تهم تباع بأرخص الأثمان كالثياب عند باعة الملابس المستعملة.. لذا قد قررت أن أقيم دعوى قضائية لأحاسب نفسي على قذفي نفسي بتهمة الثورية  و سأخسر القضية إكراما لأسيادي الجدد وأحاكم نفسي شر محاكمة حتى أعود إلى رشدي فمن أنا سياسيا أو بيولوجيا أو قانونيا لأقول إنّي ثوري  فهل ثمة في بلدي شهادة تمنح في الغرض؟.

 في بلدي ثمة ثوريين بالفعل وهم من يمتلك السلطة منحتهم إياها صناديق الشرعية والإشارات الربانيّة ومواطنون بالقوّة ومنهم أنا رمزنا الاعتصام والغوغاء والتشويش على أسيادنا. لذا عذرا على ما سأقول وعذري أنّي ممّن يهلوسون بحبّ هذا البلد وشفيعي أنّ ثمة ثغرة في القانون، فالسكران ومن تعاطى حبوب الهلوسة تخفف الأحكام عليهم عادة لأنّهم غير واعين حين ارتكبوا الآثام. لذا سأتعاطى حبوب الهلوسة التالية ليخفّف الحكم.

هلوسات تونسية

في مادّة التاريخ في بلدي كانالسؤال الخطير والذي بالإجابة عنه تنتهي معاناة الشعب هو: من صنع بورقيبة؟ فصار هلما قام به صانع التغيير يعتبر انقلابا أم تحوّلا وصار السؤال اليوم: أنحتفلبالثورة في 17ديسمبر أم 14جانفي. أسئلة خطيرة تغيّر مسار البلاد. أمّا أسئلةالاقتصاد والثقافة والتنمية والحريات ف(بوس الواوا) على حدّ تعبير المفكرة هيفاءوهبي

اكتبوا على قبر الشهيد بخطّ أمريكيغليظ أو قطريّ عريض:
    تموت تموت وتحيا الموزات... تموت تموت.... تموت 
    نعيش نعيش و ضدّ (هالزين هذا لواش) فأولياء النعمة الجدد شعارهم (يا لايمي على الزين) 




أجمل ما في بلادنا عدل رئيسنا فلافرق بين منقبة ومحجبة وسافرة في قصر قرطاج أمّا خارجه ف(الخُطّاب على الباب)فواحدة تتسبب في غلق الكليات والأخرى ثورتها سراب... وقمّة المساواة في بلدي أنّالناس كأسنان المشط لكنّ الوطن أصلع كما قال أحدهم.

أروع ما في الحكومة الحالية وفاؤهاللشهداء فقد عيّنت وزيرا لكلّ شهيدين تقريبا أليست ثورة الكرامة؟ قالت الكرامةارحموا عزيز قوم ذلّ لا تجعلوني (أركب الحنطور وأتحنطر) كما تغنّى المبدع سعدالصغير.

في قانون الجاذبية في تونس نظريتانواحدة لإسحاق نيوتن وهي سقوط تفاحة ولذا أبدع الشعب في السقوط وقانون الجاذبيةالثاني هو جاذبية كرسيّ الحكم فتبيّن أن نيوتن قاصر الذهن لأنّ (أبي فوق الشجرة)هو من يسقط التفاح و(برا هكاكا) صدقت فاطمة بو ساحة العظيمة.

قلنا لحكامنا الجدد أعيدوا لناالماء الذي نُهب من وطننا قال وليّ أمرنا عليكم  بالتيمم فعلاقتنا بحرامي الحرمين أهمّ من مائكمالمنهوب. و(يزيك مزمياطي) للفقيه حبوبة أو (جيب الواد الواد) للفيلسوف التليليالعماري.

الفرق بين سفينة نوح وثورة تونس أنّالأولى حملت من كلّ زوجين اثنين أمّا الثانية فحملت ثلاثة قرّر كلّ واحد منهم أنيتزوّج الشعب على سنّته (والصبر لله والرجوع لربي...) 

تفريكة

ذكرت مصادر فايسبوكية وتويترية ليست أهلا للثقة لكنّ واقع الحال أثبتها أنّ أحد الكائنات الحية من ذوات اللون الأحمر سابقا وضع النظّارات شعارا له في حملته الانتخابية وكان لونها أحمر وأخضر وحين انفرج الطريق إلى الكرسيّ حدثت المعجزة بإشارة ربانية فاختلط الأحمر والأخضر فصار أزرق عكس كلّ قوانين الفيزياء الضوئية وتلك معجزة لا يفقهها إلا من ثابر في سبيل الكرسي المجيد. فسبحان من هداه لهذا وما كان ليهتدي لولا الطمع في الصفة والكرسيّ وعدم التطاول على ذات رئاسة الحكومة المقدّسة والتي لا يأتيها الباطل بحكم الإشارات الربانيّة.

3waj

شنوّة؟؟ شدّت بعضها الفتنة الكبرى مرّة أخرى...يا شيوعي...يا كافر...يا خوانجي يا مربّط...و واحد يصيح اللّه أكبر والآخر شبي ربّك...هيّا برّا...مادام النّاس الكل تتكلّم...وبما أنّي مالنّاس الكل...خلّيني نتكلّم...
هو راهو التخليط عمرو ما كان باهي في كل شيء..موش كان في الدين و الدّولة...وحكاية كيف هاذي نحكيو فيها زايد...على خاطر
باش يجي نهار وباش تولّي الدّول المتخلّفة الكل ما عندهاش وزارة أوقاف و ما تصرفش على الدّين و تصرف على الكيّاسات والبحث العلمي والحكايات الفارغة...
المسألة الكل مسألة وقت ...قدّاش وقت ما نعرفش خمسين سنة، مياة سنة، و اللّي ما يزربش روحو التّاريخ ما يرحمش، السّؤال
شنيّة النّوع متاع الفصل إلّي نحبّوا نعملوه؟ على الطّريقة الفرنساويّة ما ثمّاش دين في الفضاء العمومي؟ و إلّا على الطّريقة الأنقلوسكسونيّة (ما أبلدها كلمة و ما أثقل رهطها) نحطّوا الحقوق الدّينيّة في إطار الحقوق الفرديّة الأخرى الكل وتولّي الحكاية مسألة شخصيّة تخص القضاء؟ وإلّا بما أنّنا مطلّعين و عنّا حالة خاصّة كيما قالوا بعض العباد ....و العهدة على من قال (ما نعرفش ديما نقولو نحنا سبسيال و من بعد نقولو شبيهم الشعوب الأخرين راسيست تي كيف إنتي تحسب في روحك سبسيال هذاكه هو التعريف متاع الراسيزم) الحاصيلو ما دام عنّا مثانة زايدة نطلّعوا نوع آخر متاع فصل، على طريقة الجماهيريّة والكتاب الأخضرّ...
معناها الناس المفجوعين من كلمة العلمانيّة (عافانا و عافاكم اللّه) يلزمكم تستانسوا على خاطر للأسف هذاكه هو آش موجود توّا...كيف ما زادة النّاس إلّي كل ما يقراوا كلمة إسلام بحذا كلمة حكم و إلّا بحذا كلمة دولة يتفجعوا ( أهوكة بعّدتهم على بعضهم ..مراعاة لأحاسيسكم) ما يلزمهمش يتفجعوا على خاطر كان المواطن ما يعرف ال...رى (حاشا من يعدّي) إلّا ما يبربشوا...خليوه يجرّب...و الشّعوب إلّي ولّات رجال الكل تمرمدت....وبما أنّنا ما نحبّوش الحلول المستوردة (كان في هاذي) خلّيونا نعملوا جو بالإنتاج المحلّي...
هو نحنا في تونس بدينا في الثنيّة هاذي...من بعّد ما ربحنا معركة الإستقلال.....شدّينا معركة التحديث، و معركة البناء، و معركة الدّيموقراطيّة...وإلّا كي تجي تشوف...... فاش قام عليّ أنا؟؟؟...كان قمتوا فيها الآذان و ردّيتوها إسلاميّة تو نصنع ما لازمني دياري... و نشربو بالسرقة.....و كان نحّيتوا المفتي و ردّيتوها علمانيّة...تو نعيّد باليوميّة...آش لز حمّة يغنّي.....

دعاء

 جنّبنا الله و إيّاكم مجادلة السّفهاءو عقم الفقهاء و تمجليغ البلداء و نظريّة النّشوء و الإرتقاء و الكحّة و الوباء، بجاه جميع الأنبياء، و الصّالحين من الأولياء،و أعاذنا و إيّاكم من تهمة الغباء، اللّتي تنزل كالقضاء ، في هذه الأيّام ا لغبراء، و آخر هذا الدّعاء أن الحمد لله ربّ العالمين و الصّلاة و السّلام على أشرف المرسلين...قول آمين....يا ولدي قول لا ترصّيلك في سين و جيم و يحطّوك متصوّر مع هدى سلطان و إلّا إندرا ش إسمها و من بعّد تطلع فيك إشاعة قاعد مع بوش و إلّا ليفني و يعدّيوك في الجزيرة و تحتك باند حمرا مكتوب عليها غبيّ.

تنفس

حدثنا محرز بورتلام قال: في أيّام الشباب و الصبى، و العربدة و الهوى، كنت أجول في الحانات، باحثا عن الملذّات، وكل ما يضيف طعم الخطر للحياة، جعل الله هاته المعاصي لا تعاد، و غفرلنا ولكم يا بنات ويا أولاد، و رافقت رجالا صناديد، يشربون من زجاجات المرناق العديد، ويمزجونه بشراب الكوديا العنيد، و يتساءلون هل من مزيد، و كانت لي مغامرات غريبة، وحكايات عجيبة، وكانت لنا أحاديث طويلة، نتحدّث فيها عن حالتنا العليلة، و نسخرمن كل شعب و قبيلة،

و ذات ليلة شتويّة، وقف التفتاف إبن الكبّاريّة، فحدّث و قال، يا رجال يا قلوب الجمال، لُعِنَت تونس وقليلٌ من بلاد الطّليان، ولدنا في

أتعس زمان، فأجابه وجه الحصان، تلعن برّ تونس الجميل، ولا تلعن من بلاد الكفّار إلّا القليل، إنّك و حق هذه المعصية قد ظللت السّبيل، فأجابه التفتاف خشية الخصام، وتجنّبًا للجوجمة و الزّحام، إنّني أعشق رافائلّا كارّا، و أبغض شمس الصّحراء الحارّة، فضحك وجه الحصان ضحكًا كثيرًا، و طلب منه أن يزيدنا عن تعاسة الزّمان تفسيرًا، فتنفّس التّفتاف الصعداء، و واصلنا الإصغاء، فتابع جليسنا الهراء 

زماننا هذا معكوس، الأذيال فيه أصبحت رؤوس، الأسد يخاف البركوس، و البيئة مهدّدة بمبيد الخنفوس، كيف نرقى إلى أوّل الصفوف، بحالنا المعروف، نحن قومٌ ما فينا إلّا غانمٌ و غازي، فكيف نحيا في هذا الزّمان دون الذّهاب إلى الرّازي، القانون في كلّ مكان، يمنع الإغارة و الجولان، و يجعل كل صعلوك مهان، فأجابه سمير إبن الوكواكة، هانت يا صديق، لا تصدّق هذا الرّيق، هذا خير زمان السّبي يا رفيق، إن كنت في بلاد الرّوم يا تفتاف، فأطلق الذّقن للأكتاف، و بادر بتحيّة الإسلام، و احفظ سورة و قليلًا من الكلام، فيصبح لك شأن بهذه الأفلام، و إن كنت في بلاد المغرب، فلا تستغرب، و إن رأيت النّاس يريدون السعادة، فافتح لهم عيادة، و تشعوذ فإنّ في الشّعوذة إفادة، فإن كنت في الجزيرة، لا تشقي نفسك كثيرا، و البس الكشطة و الجبة حريرا، و العب الميسر في لندن أو في كان على الرّيفييرا، إنّ النّفط هنالك كان وفيرا، و إن كنت في بلاد العجم، فاضحك على الأمم، و اصنع قنبلة نوويّة، و اترك شعبك في الجاهليّة، فالجاهليّة إن سُوّقت بذكاء، تباع إلى كلّ الشعوب اللّتي تهوى البلاء، فقام التّفتاف وقبّل ابن الوكواكة في طرب، لا فض فوك

يا أخا العرب، قد ألهمتني و جعلت لحياتي سبب، خذ كأسًا من البوخا وهيّا نشرب، فأ جابه إبن الوكواكة بذكاء، البوخا كنهود النسا ء ,واحدٌ غيرمثير ، وثلاثة كثير ، ناولني زجاجة الكوديا ولا تبخل، فللحياة في القرن الواحد و العشرين قد أعطيتك المدخل

لستاتي هذي ماسط لاسط ولذا كان عمرك أقل من 16 وإلا عندك تشنج الهويات وتحس روحك تنجم تعمل عربدة الضوضاء فالرجاء نقل الفأرة 45 درجة الى اليمين والنقر على الزر الأحمر واللذي يسمى " بيناتنا فلسة".

ومن غير تمييع قضايا وتطويل حكايات أنا اليوم متلوح عالفرش و مخي سارح في ملكوت رب العالميين و منتابتني حيرة فلسفية و عقلي سارح في الوضع القائم في البلاد التونسية وفي المنطقة الجغرافية في بلاد العربان.نخمم في قضية الهوية وعلاقة الدين بالدولة ومفهوم المواطنة والأنغلاق والديمقراطية والمادية الجدلية والفكر الوطني والفكر القومي و الحداثي و الشيوعي و الخلافة الراشدة و قضايا الحريات الفردية والخمار والخمر والنقاب واللحية والشلاكة بو صبع والسترينغ وبيع الذمم والطحين والتلحيس 

فجأة !!!!!!!!!!

و أنا هكاكة في إرتباك و يتعدى من قدامي سرسوط تصاور : كراهب بورش ، بيام دبليو . طيارات ، دوايات جلدة ، عقاقر ضد الكلب ، حاملات طائرات ، غواصات نووية، أفلام ، لعب توب ، شاشة ثلاثية الأبعاد .. هواتف ذكية .....


abab آه من أنتم يا مازمبي ؟؟؟ و أين أنتم ملي نخمم فيه ؟؟؟ 

مزلت دايخ .... و التصاور باقي هابطة على راسي : ذهب، دولارات، مفاعلات نووية، راجمات صواريخ، رحلات جوية آهلة، ماء فوق القمرة، مخبر في المريخ، سوند في طرف الدنيا، علم الجينات، علم الذرة علم الفلك علوم البحر علوم الأرض .......

يا مازمبي بالحق من أنتم ؟؟ وشنوا رأي البلدان اللي صنعتكم في علاقة ألدين بالدولة وبالخلافة وبالنقاب واللحية و الحداثة ؟؟ شنوة رأي علمائكم في قضية الأمهات العازبات ؟؟؟؟ ياخي تعرفو المثقفيين متاعنا و لا ؟؟ وصلكم كتاب ألفة يوسف الأخير و لا ؟؟

قلت لروحي : يا مندس فايق على وضعك حاسس بروحك وين عايش و لا ؟؟ فايق بوضعك ؟؟ طموحاتنا العلمية و التكنولوجية صفر ؟ مستقبلنا الوحيد هو إستمرار للمعارك فكرية و اديولوجية من غير معنى وننسى اللي ولاد بلادنا موش لاقين حق خبزة وننسى اللي عنا ناس ما عندهمش ماء في القرن الواحد والعشرين وننسى اللي مزالت فما ناس تموت بأمراض منقرضة في ها البلاد هاذي و ننسى إلي شبابنا قاعد يقٌطع في فلايك للبلاد الرواما ؟؟؟

الجهامة و البهامة

هاذم هوما شبيحة بشار النعجة  إتفووووووووووووووووووووووه 

الليلة ما كنتش ناوي نكتب حتّى شيء، لكن اللإلهام هبط على راسي فجأة، قلت ما فيها باس ليلة جمعة خليني إنور الجماعة شوية و نكتب كلمتين 

أما بعد 

أكيد أنّكم سمعتو، ولو مرّة وحدة، بكلمة مجتمع المعرفة وبإقتصاد المعرفة أو الإقتصاد اللاّمادّي، والأكيد راهو فمّا شكون قاللكم أنّ المفاهيم هاذي هي مفتاح التقدّم و"المص-تقبل" والسلاح الجديد اللّي البلدان باش تستعملو في "معركة" التنمية، 

ولو أنا واحد مالنّاس عمري ما حضرت على عركة بسبب التنمية بالرّغم أنّي نسكن في حومة عربي والعرك اللّي نحضر عليه في الأغلبيّة يا على الشراب يا على الفلوس يا على الأناثي

المفيد باش ما نطوّلش عليكم حبّيت اليوم نحكيلكم على المفاهيم الجديدة هاذي باش ما تبداوش ضايعين فيها كيف تسمعو الحكايات هاذي في المستقبل ونبداو بكلّنا نحكيو نفس اللغة

باختصار شديد، مجتمع المعرفة هذا هو المجتمع اللّي المعرفة والمعلومات عندها فيه قيمة كبيرة، وأكبر حتّى من المكاسب والممتلكات الماديّة كيما الديار والكراهب والفلوس والبترول ولحم العلّوش

يحب يقول اللّي باش يكسب المعرفة، مهما كان نوعها، هاذاكا هو اللّي باش يسلّكها، أمّا اللّي ما يوصلش للمعرفة وللمعلومات، هاذاكا سعدو مكبوب وأيّامو تهردت، على خاطرو باش يطيح في الهوّة الرقميّة، وهي عبارة على فوسي أو هفهوف كبير باش يلوّحو فيه الشعوب المتخلّفة الكلّ ويرتاحو من مناظرهم المقلّبة إلى قيام السّاعة

و الحمد لله نحنا في تونس فهمنا قبل الأمريكان والألمان والعالم المتقدّم الكلّ أنّو الإنسان بلاش معرفة ما يسوى شيء، وتلقانا ديما كيف باش نقضيو قضية نلوّجو على معرفة، واللّي ما عندوش معرفة يلوّج على معرفة معارفو. أمّا اللّي ما عندوش المعارف، وحدو وحدو يفهم روحو ويشدّ دارو، و هذا كان قبل الثورة و الأكيد موش باش يتنحى بالساهل

يا سيدي هالمعرفة تعاون الإنسان برشة وتسهّلّو حياتو وتقضيلو شؤونو خير من أيّ طريقة أخرى، وهاذاكا علاش أنا نشجّع كل إنسان باش ينخرط في مجتمع المعرفة ويسعى بكل جهدو باش يكون عندو أزيد ما يمكن من المعارف

فمّا بعض الناس من الرّجعيين، الله يهديهم، جايين ضدّ حكاية المعرفة هاذي، ويسمّيو فيها في أسامي خايبة برشة كيما المحسوبيّة والزبونيّة والوساطة والمحاباة والتحيّز والفساد، بالشماتة باش يكرّهو فيها النّاس ويظهّروها حاجة خايبة للعامّة البسطاء، في حين أنّها من عوامل التقدّم والحضارة،

تبقى أخيرا حكاية إقتصاد المعرفة، واللّي عندها معنى مختلف في بلادنا على بلدان العالم الخارجي، على خاطر كيما قلتلكم ، نحنا اكتشفنا الحكايات هاذي قبلهم

إقتصاد المعرفة عندنا نحنا يلزم نفهموه على معنى الإقتصاد في المعرفة، يعني كيما الإقتصاد في الماء وفي الكهرباء وفي المازوط، والسبب واضح وبسيط وهو اللّي نحنا إكتشفنا من سنين أنّو "كلمة لا ما تجيب البلاء" وأنّو اللّي يعبّي راسو بالعلم والمعرفة ما يحصّل كان وجيعة الرّاس والميزيريا الكلبة، وأنّو خيارو بنادم لا يشوف لا يعرف ولا يوجع قلبو، على خاطرو على قدّ ما يزيد يفهم ويعرف، على قد ما يزيد تعاسة وهم على قلبو حاشاكم

هاذاكا علاش الطبّ الحديث متاع الشعوذة يشجّعكم على البهامة والجهل والإقتصاد في المعرفة، تعيشو في خير وما تقلّقوش غيركم،

وأنا هاني نصحتكم وإنتوما تعرفو ما يصلح بيكم

pffffffffffffffffffffff

قعتّ ساعتين متكونسي قدّام الكلافيي نحبّ نقول برشا حاجات و في نفس الوقت مالقيت ما نكتب و في اللّخر ضربت أخماسي في أسداسي و قلت انا ضايع فيها دون تو لي كا برا نكمّل لأرتيكل لكلّو سؤالات على طريقة فيصل القاسم و ينعبّو اللّي فسدها :

زعمة يجي النهار اللي التونسي يولّي فيه معاش سكيزوفران , النهار اللي التونسي يعرف اللي لاهو من بني يعرب لاهو مالأوروب و اللي تونسي في حدّ ذاتها تززّي باش تقول هو شكون و ما يستحقّش يستورد مالصحراء قالب حاضر و يطبّقوا بالسيف قال شنوّة أصالة و هويّة ؟؟؟؟

زعمة يجي النهار اللي تولّي الشعبويّة جريمة و حدّ ما عاد يكذب و يدجّل عالعباد بحاجات عاطفية تركّحهم و تلعبلهم على مشاعرهم كيما الدين و الأنتماء العرقي و ماعاش نراو واحد يتزبّر و هو شادّ سبحة و سياسي يوعد لعباد باش من غدوة اسرائيل تتنحّى من خريطة الشرق الأوسط ؟؟؟

زعمة يجي نهار نراو الصحافة و الإعلام و باجات الفايسبوك في تونس تجيب أخبار منغير مايقولوا أفاد مصدر موثوق , أكّد مصدر معتمد بوزارة رازبّي , أفاد ظابط ذو رتبة سامية يتحفّظ على اسمه و في اللّخر يطلعوا الكلّ غالطين و يكرّهوك في النهار اللي ولاّت  فمّا فيه حريّة عالأقل قبل هاوكا باعثهم ينيّكوا مالمان ؟؟؟

زعمة يجي نهار نراو سمير الوافي موش ماسط و عصام جمعة موش في الأورجو مياة مرّة في الطرح وفي التلفزة يجيبوا حاجة جديدة في العيد آبار قتل حمزة و اقطع ربّ رأسه ؟؟؟

زعمة يجي نهار نراو التوانسة الكلّ يقراو في كتبّات في الميترو و إلاّ في الكار و ماهيش كيف تزيد من جاذبيتّك الجنسيّة و إلاّ كيف تدخل الجنّة في عشرة دقائق و تلقى واحد هبط مكرّز خاطر نطرولو كتاب وقت الدزّان و واحد قعد حاشم خاطر مالقى مايقرى و لعباد تتشوحرلو ؟؟؟؟

زعمة يجي نهار باج تونسيّة في الفايسبوك ما تحطش هذا النيّاك كم يستحقّ من جام و هذه العصبة أنشرها و ما تخلّيش الشيطان يبعبصك و راو الجنّة ساهلة بطرف نزلات عالسوري تنجّم تقصّلها تسكرة و بروميار كلاس زادة ؟؟

برشا سؤالات نحبّ نقولهم أمّا كيما يقولو في التلفزة اللوطانيّة نكتفي بهذا القدر

و توّة نشوف مهاب و لولاد شعملوا باش نحكيلكم عليهم المرّة الجاية

 في لامان في لامان في لامان

الله يلعن بو الكولرة منين هبت و دبت

هالزب هالزب هالزب  هالزب 78  موتا في ماطش كورة علاه شفما ؟؟؟ منين جابوها هالتخلف   ملا مصايب ملا حالة ملا دين و ملا ملة
   شي هالبهامة متاع زبي