يا سادة و يا مادة بعد التحية و السلام إليكم الأفادة :
يحكيوا على بلاد . بلاد عرعور لتوا بلاش دستور . القناص لتو يدور و السارق سعيوا مشكور و ذنبوا مغفور . ( حل عينيك و أقرى بين السطور ) بلاد متاع ثورة .. في أخرتها بانت العورة .. الأحزاب ماشية بالغورة .. الزوالي فيها قعد لتالي .. و لا عنو حبيب و لا والي .. مشات ناس و جات ناس و الزوالي مزال موش لباس .. الزوالي ما عينوش لا في حسابات و لا آفاريات ... و لا عينوا في السهرة في البواتات .. يحب على فليسات يجيبهم كيف يخدم خديمات ميحبش تنازلات و لا يحب عالمساواة ما عينوا كان في توزيع عادل للثروات .
هالبلاد محرومة . متاكلة و مذمومة . الحقوق فيها مهضومة . في التأسيسي قلنالهم أحكولنا على القصاص ملي ضربونا بالرصاص .. وقف النائب قصاص و قال أنا أنا لست بصاص .. فضحك الجميع بما فيهم القناص ...
بلاد غلنانة .. تحتاج للأعانة .. موش دولية هي تحب على إعانة محلية . لا تحكيلي لا على شريعة لا ديموقراطية .. أعطني شغل و عيشة هنية .. و ما تحرمنيش مالديموقراطية و ما إتبدليش الهوية ... أخطاني مالحوارات الجانبية و ركزلي عالقضية ..
إلي طلعها لبلاد عندو 200 دينار نقود مزيفة
ليست هناك تعليقات:
إرسال تعليق