الحق متاع ربّي :
.ما لقيت ما نقول، ما لقيت ما نحكي ، ما لقيت ما نعمل، ما لقيت
ما نعبّر !!!!
.
.الأحزاب يحبو يبدّلو النشيد الوطني والعباد يحبو يبدلو العلم و المرا
تحب تاخو حقها الخدّام يحب يرتاح والبطال يحب يخدم و البلاد ما
تفهمش شنية اللي صإر فيها بالضبط !!!!.
.
..يا عباد ارحمو بعضكم شوية، اسمعو بعضكم شوية، تفاهمو في
بعضكم شوية، ميسالش اسمع لاخر يمكن في كلامو شوية صحيح
، يمكن تنجمو تتعاشرو ، يمكن تنجمو تتفاهمو، يمكن تنجمو طيّحو
من رواحكم شوية .الحكاية ما تستحقش برشا مجهود !!!جيست ،
اسمع و إفهم !! .
..واللي يزيد يضربك في راسك : كان تقول باهي نجّمو راو نعيشو
الكل معى بعضنا !.هاذوما يقولك : إنت تابع الاخرين و يعملوك عدوو
لخرين يقولك : إنت تابع هاذوكم و يعملوك عدو!!!..
.كل واحد راكب راسو و ماذابيه يدفن لاخر و يعيش فيها وحدو
!!!..تي علاه هكّا علاه ، والله واحد كره روحو، فدّينا، يا خويا ڨلڨنا
يزّي !! ماعادش فيها !!.
.ماغير تفدليك : بديت بالحق نصدّق في حكايات الماسونيين و الجن
و السحر الاسود والإيليميناتي و الخر هاذكا !!
.
.سملّه العضيم، كيّنك هزّيت عباد و حطّيت عباد ، الللطف ، العباد
كيّني ركبهم جن !!.
حد ماعاد مقدّر حض، حد ما عاد يعرف حد !!!
..يا خويا ، يزّيونا يهديكم، يجعل منكم، يفضلكم، يكون منكم العقل !!.
.
ليست هناك تعليقات:
إرسال تعليق